ზიდანი:„კრიტიკოსებს ერთი მნიშვნელოვანი განცხადებით მივმართავ“
ზინედინ ზიდანმა „ბაიერნთან“ დაპირისპირების შემდეგ პრესკონფერენცია გამართა...
„პირველ ტაიმში არაერთ სირთულეს გადავეყარეთ, მაგრამ შემდეგ ყველაფერი შეიცვალა და ბურთის კონტროლი დავიწყეთ. სწრაფმა გოლმა სიტუაცია რადიკალურად შეცვალა. ნეიტრალურმა ქომაგებმა დიდი სიამოვნება მიიღეს, მაგრამ მადრიდისტებს ნამდვილად ჰქონდათ ნერვიულობის საფუძველი.“
„კრიტიკოსებს ერთი მნიშვნელოვანი რამ უნდა შევახსენო. „რეალმა“ დაამარცხა „პსჟ“, „იუვენტუსი“ და „ბაიერნი“? ნორმალური ადამიანი ვერ იტყვის, რომ ჩვენ ფინალს არ ვიმსახურებდით.“
„გვჯერა და გვწამს ჩვენი საქმიანობის წარმატების. მადრიდის „რეალის“ ფეხბურთელები მოწოდებით გამარჯვებულები არიან.“
„კარიმ ბენზემამ საოცრად იასპარეზა. ფრანგმა ფეხბურთელმა ორი გადამწყვეტი გოლის გატანა შეძლო და ფინალში გასვლაში დიდი წვლილი შეიტანა.“
„კეილორ ნავასის თამაში სამაგალითო გახლდათ. კოსტარიკელმა კიპერმა რამდენიმე მომენტში 100%-იანი მომენტი განმუხტა.“
„მოდრიჩი და ლუკას ვასკესი ერთმანეთს საოცრად უგებდნენ და შესანიშნავად თამაშობდნენ, როგორც დაცვაში, ასევე წინა ხაზში.“
„კოვაჩიჩის სასტარტოში გამწესება მატჩამდე ერთი დღით ადრე გადავწყვიტეთ. ხორვატმა ბრწყინვალედ იასპარეზა.“
- 2 მაი 2018
- 7162
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
