ზიდანმა „ბაიერნთან“ მატჩის წინ პრესკონფერენცია გამართა...

„ეს ნახევარფინალია, სადაც სასწორზე ბევრი რამ დევს. პირველ შეხვედრაში კარგად ვითამაშეთ და გავიმარჯვეთ, თუმცა საბოლოო შედეგი 90 წუთიანი ბრძოლის შემდეგ გვეცოდინება.“

„ნაჩო და ისკო გუნდთან ერთად არიან. ჯერ-ჯერობით ვერ გეტყვით გამოვლენ თუ არა მოედანზე, ამას ხვალ გადავწყვეტ.“

„კარვახალი საოცარი ფეხბურთელია, მისი შეცვლა ყოველთვის რთულია, მაგრამ ჩემი ფეხბურთელები იმდენად მოტივირებულები არიან, რომ დანის შეცვლის პრობლემა გადაიჭრება.“

„ნაჩო ბევრად უკეთეს მდგომარეობაშია, ვიდრე ისკო. ფერნანდესი მოედანზე ალბათ გამოჩნდება, ალარკონთან დაკავშირებით კი კითხვები არსებობს.“

„ბერნაბეუზე თამაში გვიჭირს? ეს სისულელეა. ჩემზე რომ იყოს დამოკიდებული ყოველთვის მადრიდის საუკეთესო სტადიონზე გავიყვანდი გუნდს. „პსჟ“-სთან და „იუვენტუსთან“ გასვლით შეხვედრებში უკეთესი შედეგები გვქონდა, მაგრამ ეს იმას არ ნიშნავს, რომ საშინაო არენაზე ვერ ვთამაშობთ.“

„ჩემი მომავალი არ არის დამოკიდებული იმაზე, მოვიგებთ თუ არა ჩემპიონთა ლიგას. „რეალში“ იქამდე ვიმუშავებ, სანამ არ დამითხოვენ, მშვიდად ვარ.“

„ძალიან კარგად ვაცნობიერებთ, რომ ნახევარფინალურ ეტაპზე ზედიზედ მერვედ მოვხვდით და შანსი გვაქვს ზედიზედ მესამედ გავხდეთ ჩემპიონები, ჩვენ მოტივაცია პიკს აღწევს.“

„მარსელო ხშირად ხუმრობს, მაგრამ ოთახში ერთ-ერთი ყველაზე დიდი ავტორიტეტის მქონე ფეხბურთელია. გასახდელში ბრაზილიელს ყოველთვის უსმენენ, ვინაიდან დიდ გამოცდილებას ფლობს. მარსელო გუნდისთვის ძალიან ბევრს აკეთებს.“

„ბენზემასთან დაკავშირებით ძალიან ბევრს მეკითხებიან, პასუხები ერთმანეთს ჰგავს. ფრანგს ვენდეობით და მისი გვჯერა.“

„„რეალში“ დიდი გამოცდილება მივიღე და კარგი მწვრთნელი გავხდი, მაგრამ საუკეთესოობამდე ბევრი მაკლია. ევროპაში არაერთი უჭკვიანესი ტაქტიკოსია.“

„ჩვენ უნდა მივულოცოთ „ბარსელონას“, ვინაიდან ამ გუნდმა ლა ლიგა დამსახურებულად მოიგო. კორიდორი? ახლავე გეტყვით, რომ საზრუნავი არა კორიდორი, არამედ „ბაიერნთან“ გამარჯვებაა.“

„„რეკორდმაისტერი“ მადრიდში ბოლომდე დაიხარჯება, ჰაინკესის გუნდს დასაკარგი არაფერი აქვს.“������� dle 10.1������� ������� ������