ზიდანი:„მესმის, რომ „რეალის“ წარმატება ბევრს არ ახარებს“
ზინედინ ზიდანმა „მალაგასთან“ მატჩის წინ პრესკონფერენცია გამართა...
„ჩემპიონთა ლიგის მატჩების შემდეგ ლა ლიგაზე გადმორთვა ყოველთვის რთულია, რადგან შუა კვირაში უდიდესი ენერგია იხარჯება, თუმცა ვეცდები, რომ ოპტიმალური შემადგენლობა შევარჩიო.“
„მიუხედავად იმისა, რომ „მალაგა“ სატურნირო ცხრილის ფსკერზეა, სახიფათო მეტოქედ მივიჩნევ. რატომ? იმიტომ, რომ ამ გუნდს მხოლოდ მოგება აძლევს ხელს და არაფერს კარგავს. ეჭვი არ მეპარება ყველა ბურთისთვის ბოლომდე ბრძოლას ვიხილავთ.“
„მადრიდის „რეალს“ „ბაიერნთან“ მხოლოდ ერთი უპირატესობა აქვს, რაც მეორე მატჩის ბერნაბეუზე ჩატარებაში გამოიხატება, სხვა შემთხვევაში შანსები თანაბარია. ეჭვი არ მეპარება, ეს გუნდი შურისძიებას შეეცდება, ამიტომ საკუთარი თამაში უნდა ვითამაშოთ და ყველაფერი ვიღონოთ იმისათვის, რომ ფინალში გავიდეთ.“
„ერთადერთი რამ, რაც „ბაიერნთან“ დაკავშირებით მაშინებს იუპ ჰაინკესის სახელის გაგონებაა, ამ ადამიანს ლეგენდად მივიჩნევ.“
„ხამეს როდრიგესი კარგი ფეხბურთელია და მიუხენურ გიგანტში შესანიშნავი სეზონი აქვს.“
„ზეწოლა მსაჯებზე? მიუხედავად იმისა, რომ „რეალს“ აბსოლუტურად უაზრო ბრალდებებს უყენებენ, ნახევარფინალში ველი პროფესიონალურად მსაჯობას. არამგონია არბიტრები ვინმეს ზეგავლენისქვეშ მოექცნენ.“
„ბუნებრივია, რო აზრთა სხვადასხვაობა არსებობს, თუმცა „იუვენტუსთან“ 100%-იანი პენალტი იყო. არაერთმა კომპეტენტური ორგანოს წარმომადგენელმა განაცხადა, რომ ლუკას ვასკესის წინააღმდეგ თამაშის წესები დაირღვა.“
„მესმის, რომ არ უყვართ „რეალი“ და შესაბამისად არ უხარიათ ამ გუნდის წარმატება, მაგრამ ჩვენ პატივი უნდა ვცეთ იმ მილიონობით ქომაგს, რომლებიც გვერდში გვიდგანან. ყველას აზრს პატივს ვცემ, მაგრამ იმასაც კარგად ვხვდები, რომ „ბლანკოსის“ ამხელა წარმატება ზოგიერთი გუნდის ქომაგს აღიზიანებს.“
„ვინც ტურინის „იუვენტუსთან“ ორივე შეხვედრას უყურა და ამბობს, რომ „რეალი“ 1/2 ფინალში გასვლას არ იმსახურებდა თვალების გახელას ვურჩევ.“
„ჯიჯი აჟიტირებული იყო, ის ნერვიულ ფონზე აკეთებდა იმ განცხადებებს, რომელიც მოვისმინეთ. ვერანაირი ემოცია ვერ გადაფარავს მის ავტორიტეტს და იმ პატივისცემას, რომელიც ხალხშია ჩანერგილი.“
- 15 აპრილი 2018
- 7377
- 29
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.