ზიდანი:„ტყუილია ინფორმაცია, რომელიც მოდრიჩსა და კროოსზე გავრცელდა“
ზინედინ ზიდანმა „პსჟ“-სთან მატჩის წინ პრესკონფერენცია გამართა...
„მადრიდის „რეალი“ მზად არის „პსჟ“-სთან დაპირისპირებისთვის. ბოლო სამწვრთნელო სესიაზე აბსოლუტურად ყველა დეტალი განვიხილეთ.“
„ბუნებრივია „პსჟ“-ს უპირატესობას აძლევს გულშემატკივართა ფაქტორი, მაგრამ თამაში 11-11-ზეა, აქედან გამომდინარე ვეცდებით ყურადღება მოედანზე განვითარებულ მოვლენებს დავუთმოთ და არა მის ირგვლივ არსებულ სიტუაციას.“
„კროოსსა და მოდრიჩზე გავრცელებული ინფორმაციები სიმართლეს არ შეესაბამება. ვინც 70%-ით არის მზად გუნდის განაცხადში ვერ ხვდება. თუ რომელიმეს თამაში არ შეეძლო მადრიდში დავტოვებდი. ვერ გეტყვით იასპარეზებენ თუ არა ძირითად შემადგენლობაში, მაგრამ ორივე მოთამაშე მწყობრშია.“
„პარიზში დაბრუნება ჩემთვის რა თქმა უნდა სასიამოვნოა. საფრანგეთი ჩემი სამშობლოა, მაგრამ „პსჟ“-სთან შეხვედრაში მე თავიდან ბოლომდე მადრიდელი ვიქნები.“
„თუ წარმატების მიღწევა გვსურს 1-იდან 90 წუთის ჩათვლით მაღალი დონის კონცენტრაცია უნდა შევინარჩუნოთ.“
„ნეიმარის არყოფნა პარიზული კლუბისთვის პრობლებაა, მაგრამ უნაი ემერის შეგირდები ექსტრამოტივირებულები არიან, ამიტომ ვთვლი, რომ დანაკლისი აღმოიფხვრება.“
„მადრიდის „რეალში“ ყველა ფეხბურთელი მაღალი დონის არის. უკვე 2 წელია არჩევანს ვაკეთებ და მინდა გითხრათ, რომ საკმაოდ რთულია ოპტიმალური თერთმეტეულის მოძებვნა.“
„ანხელ დი მარია შესანიშნავი ფეხბურთელია. არგენტინელი დიდ სისწრაფეს ავითარებს და მოედნის არაერთ წერტილში შეუძლია თამაში. ჩვენი ფეხბურთელები მის მიმართ ყურადღებით ითამაშებენ.“
- 6 მარტი 2018
- 8989
- 14
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
