რამოსი:„ალვეშს ერთ მნიშვნელოვან რჩევას მივცემ“
მადრიდის „რეალის“ კაპიტანმა, სერხიო რამოსმა „პსჟ“-სთან დაპირისპირების წინ პრესკონფერენცია გამართა...
„გამარჯვებით არასდროს დავღლილვარ და არც ახლა დავიღლები. ისე ვთამაშობ ახლა, როგორც მაშინ, როდესაც „რეალის“ ფეხბურთელი გავხდი და არაფერი მქონდა მოგებული.“
„მსაჯისგან იმას ველით, რომ დაგვეხმაროს ან დაგვსაჯოს. იმედი მაქვს, ბრიხი ყველაზე შეუმჩნეველი ფიგურა იქნება და გულშემატკივარს ლაღი ფეხბურთის ყურების საშუალება მიეცემათ.“
„გვსურს გავაკეთოთ ის, რაც გავაკეთეთ ბერნაბეუზე. არ გვაინტერესებს „პსჟ“-ს ტაქტიკა და სხვა ასპექტები. „რეალი“ მხოლოდ საკუთარი თავით ინტერესდება.“
„დანიელ ალვეშს ვურჩევ გაჩუმდეს და თამაშზე კონცენტრირდეს. მე არ ვაპირებ მასთან პოლემიკაში შესვლას. ბრაზილიელს ყველაფერზე საკუთარი აზრი აქვს.“
„მარსელოს დაბრუნება დიდი სიხარულია. ბრაზილიელი შესანიშნავად ირჯება როგორც დაცვაში, ასევე წინა ხაზში.“
„ნეიმარის არყოფნა „პსჟ“-სთვის სერიოზული პრობლემაა, მაგრამ ამ გუნდს ჰყავს ანხელ დი მარია. არგენტინელი მრავალმხრივი ფეხბურთელია. ანხელი შესანიშნავად ამწვავებს სიტუაციას და ამასთან ერთად შეუძლია მცველების დახმარება.“
„სეზნის ადრეული დასასრულის წინაშე არ ვდგავართ, რადგან ორ ფრონტზე ვიბრძვით, მაგრამ ევროპის ყველაზე მაღალი დონის ტურნირიდან 1/8 ფინალში გამოთიშვა ნამდვილად ცუდი შედეგი იქნება.“
„შანსები თანაბარია. გულშემატკივარი იხილავს ორი დიდი გუნდის ჯახს.“
„კონცენტრაციას, ხასიათს, მოტივაციას და შემართებას დიდი მნიშვნელობა ექნება. ეს არის შეხვედრა, სადაც ყველაფერს დეტალები წყვეტს.“
- 6 მარტი 2018
- 8411
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
