ვინ რა ნომრით ითამაშებს ახალ მადრიდის „რეალში“?
ესპანური გამოცემები არაერთ საინტერესო ინფორმაციას ავრცელებენ, რომელიც სამეფო კლუბის სამომავლო გეგმებს და სუპერტრანსფერებს შეეხება...
კლუბის პრეზიდენტი, ფლორენტინო პერესი წინა ხაზში სერიოზულ ცვლილებებს გეგმავს, იქედან გამომდინარე, რომ შეტევითი პოტენციალი აშკარად შემცირებულია.
ერთ-ერთი უმთავრესი სამიზნე ნეიმარია, რომელსაც კლუბი 10 ნომრიან მაისურს შესთავაზებს. ასევე ვაკანტური გახდება 11 ნომრიანი მაისური, რომელიც ბეილს ეკუთვნის, უელსელის წასვლის შანსი კი ძალიან დიდია. 11 ნომრის კანდიდატები ანტოან გრიზმანი და კილიან მბაპე არიან. ასევე არ უნდა დავივიწყოთ პაოლო დიბალა, რომელიც პერესის ფავორიტია.
ასევე ვრცელდება ინფორმაცია, რომ კარიმ ბენზემასთან გამოთხოვების შემთხვევაში 9 ნომერი ჰარი კეინი უნდა გახდეს.
ყველაფერი ზემოხსენებული ჯერ-ჯერობით მხოლოდ ჭორის დონეზე ვრცელდება, თუმცა ესპანური პრესა მადრიდის „რეალის“ სიახლეებითაა აჭრელებული, სადაც ჟურნალისტები კლუბის სერიოზულ გარდაქმნაზე წერენ.
- 12 ნოემბერი 2017
- 7861
- 31
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
