ესპანური გამოცემები ძალიან საინტერესო ინფორმაციას ავრცელებენ, რომლის მიხედვითაც მადრიდის „რეალის“ პრეზიდენტმა, ფლორენტინო პერესმა ზინედინ ზიდანის რეკომენდაციები აღარ გაითვალისწინა და კარიმ ბენზემას გაშვება გადაწყვიტა...

ესპანელი პრეზიდენტის აზრით, კარიმის პასიურობა უკვე მეტისმეტია და „ბლანკოსში“ იმის დრო არავის აქვს, რომ „9“-იანის გამონათებას ელოდოს.

ბენზემას შეძენაზე პრეტენზიას „არსენალი“, „იუნაიტედი“, „მილანი“ და სხვა კლუბები აცხადებენ, აქედან გამომდინარე მისი გაყიდვის პრობლემა არ დგას.

პერესს მიზანში კილიან მბაპეს ჰყავს ამოღებული და სანაცვლოდ სარეკორდო თანხის გადახდას გეგმავს, მაგრამ გარდა ფრანგისა პრეზიდენტს ჰარი კეინის, დიბალას და ანტოან გრიზმანის კანდიდატურებიც ხიბლავს.

Bernabeudigital-ზე დაყრდნობით, ფლორენტინო ზემოაღნიშნული 4 ფეხბურთელიდან მინიმუმ სამის დამატება შეეძლება, რისთვისაც ძალიან დიდ თანხას დახარჯავს.