მადრიდის "რეალის" საკალათბურთო გუნდმა, დაამარცხა "ეფეს პილსენი", ანგარიშით 75-77. ამ მოგების შედეგად მადრიდელებმა მათემატიკურად გაინაღდეს შემდეგ ეტაპზე ასპარეზობა.

გარბახოსასა და ტომიჩის კარგი თამაშის წყალობით, პირველ პერიოდში მადრიდულმა კლუბმა ძალიან ლამაზი თამაში აჩვენა (19-23).

ამის შემდეგ "ეფეს პილსენი" აქტიურად თამაშობდა შეტევაში, მაგრამ "მერენგები" მედგრად იდგნენ და საშუალებას არ აძლევდნენ მოწინააღმდეგეს კარგი თამაშისა, რაშიც უდიდესი დამსახურება მიუძღვით აქამდე ნახსენებ გარბახოსას და ტომიჩს. ისინი სამქულიანებით სულს უხუთავდნენ თურქებს და საბოლოოდ მატჩის პირველი ტაიმი ლოგიკურ დასასრულამდეც მიიყვანეს (29-44).

ის, რომ "ეფეს პილსენი" სახლში თამაშობდა გამოჩნდა მესამე პერიოდში. თურქებმა ესპანელებს ძალიან დიდი ძალებით შეუტიეს და ჩარლს სმიტის კარგი თამაშის წყალობით, მათ მოახერხეს ანგარიშის შემცირება (52-56).

მატჩის ბოლო პერიოდი კი უფრო ფრთხილი გამოდგა, ვიდრე სხვა დანარჩენი. ამის მიუხედავათ, თურქების შეტევაში აქტიური თამაში მაინც შეინიშნებოდა. ისინი დაუღალავად იბრძოდნენ, მაგრამ ლული და ჟარიჩი თავიანთი სამქულიანებით, მათ შრომას წყალში ალპობდნენ. საბოლოოდ კი მადრიდის "რეალმა" შესანიშნავი გამარჯვება მოიპოვა (75-77).


ინფორმაციის წყარო:realmadrid.com
������� dle 10.1������� ������� ������