მიგელ პარდესა:"პროგრესი აშკარაა"
მადრიდის "რეალის" სპორტულმა დირექტორმა, მიგელ პარდესამ დედაქალაქური გრანდის გარშემო შექმნილ სიტუაციაზე ისაუბრა. ესპანელის განცხადებით, სამეფო კლუბი ძალიან დიდ პროგრესს განიცდის და ეს მის შედეგიანობაშიც მშვენივრად აისახება.
"გუნდი უდიდეს პროგრესს განიცდის, ეს სრულიად აშკარაა. ყოველი მადრიდისტა ძალიან ბევრს შრომობს, ჩვენ ტიტულების მოსაგებად ვიბრძვით და საწადელს აუცილებლად მივაღწევთ."
"ლა ლიგის ერთპიროვნულ ლიდერთან მხოლოდ 2 ქულა გვაშორებს, ეს არც თუ დიდი განსხვავებაა, მაგრამ კატალონიელთა შესაძლებლობები ყველას კარგად მოეხსენება... თუ მოვინდომებთ, ყველაფერს მივაღწევთ, სამეფო კლუბს პრიმერას მოგების სერიოზული პერსპექტივა გააჩნია."
"ჯერ მხოლოდ სეზონის ნახევარი მიილია, წინ ბევრი დასამახსოვრებელი შეხვედრის ჩატარება მოგვიწევს. ჩემპიონატის პირველი წრე მაღალ დონეზე ჩავამთავრეთ, მაგრამ მეორე ნახევარს გაცილებით უკეთ წარვმართავთ, ამის პირობას პირადად მე გაძლევთ. ჩვენ ორ ფრონტზე ვიბრძვით, იმედია ორივე მათგანზე სათანადო წარმატებით ვიასპარეზებთ. მე მჯერა, რომ ყველაფერი ჩვენს სასიკეთოდ წარიმართება."
ინფორმაციის წყარო: Realmadrid.com
ავტორი: Kevlisha
- 2 მარტი 2010
- 1400
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
