ემილიო ბუტრაგენიომ „გრანადასთან“ პაექრობა შეაფასა...

„ალვარო მორატას წასვლა? ზინედინ ზიდანი ამბობს, რომ ის ძალიან მნიშვნელოვანი ფეხბურთელია. ფაქტია, რომ ესპანელმა გოლების მნიშვნელოვან რაოდენობას მოუყარა თავი და დღესაც დუბლით გაგვახარა.“

„პირველივე წუთებში აქტიურად ვითამაშეთ და მეტოქეს ორი გოლი გავუტანეთ, რამაც ყველაფერს წერტილი დაუსვა. 90 წუთის მანძილზე შეხვედრა ჩვენი კარნახით მიმდინარეობდა.“

„ხამეს როდრიგესი მსოფლიო დონის მოთამაშია. კოლუმბიელი ფეხბურთელი საკუთარი სტილით გამოირჩევა, მას ყველასგან განსხვავებული ელფერი აქვს. მიხარია, რომ „ათიანმა“ დუბლი შეასრულა.“

„არ გვაინტერესებს რას იზამს კატალონიის „ბარსელონა“, რადგან საკუთარ შედეგებზე ვართ დამოკიდებულნი. მთავარია დანარჩენი შეხვედრები მოვიგოთ და ტიტული ვიზეიმოთ.“

„კრიშტიანო რონალდუ შესანიშნავ ფორმაშია. მივესალმები ზიდანის გადაწყვეტილებას, რომელიც მან კრისთან დაკავშირებით მიიღო. პორტუგალიელი ფეხბურთელი გადაიღალა, ამიტომ დასვენების უფლება მიეცა, რაც ნამდვილად გამართლებული ნაბიჯია.“������� dle 10.1������� ������� ������