ხუან სებასტიან ვერონი: აგუეროს "რეალში" გადასვლას არ ვურჩევ
ლეგენდარულმა არგენტინელმა ფეხბურთელმა, ხუან სებასტიან ვერონმა ჟურნალისტებთან საუბრისას განაცხადა, რომ იგი ინფორმირებულია სამეფო კლუბის ხელმძღვანელობის ინტერესის შესახებ კუნ აგუეროს მიმართ, ხუანის თქმით, მისი თანამემამულე არ უნდა გადავიდეს სამეფო კლუბში, მან უნდა მოძებნოს ისეთი კოლექტივი სადაც იქნებიან საშუალო დონის ფეხბურთელები, რადგან ახალგაზრდა ფორვარდი ჯერ არ არის იმ ასაკში, რომ შეძლოს ისეთი დონის გუნდში თამაში როგორიც "ბლანკოსია".
"ჩემი აზრით უკვე დროა აგუერომ დატოვოს ატლეტიკო და გადავიდეს სხვა ქვეყანაში სათამაშოდ, იგი ძალიან მოუხდებოდა ინგლისის პრემიერ ლიგას, კუნის სტილი სწორედ ინგლისის უმაღლეს დივიზიონს ერგება. მე ვიცი, რომ იგი ტალანტია და მასზე მსოფლიო ფეხბურთის გრანდები ნადირობენ, მაგრამ ვთვლი, რომ ჯერ ადრეა, აგუერო არ უნდა გადავიდეს გრანდში, ეს მისთვის არ იქნება წინ გადადგმული ნაბიჯი".
"მადრიდის რეალი არის გუნდი, რომელიც თითოეული ფეხბურთელისგან მაქსიმუმს ითხოვს, ამ გუნდს ჰყავს ყველაზე მომთხოვნი გულშემატკივარი, აგუეროსთვის დედაქალაქელთა დაინტერესება საპატიო უნდა იყოს მაგრამ "ბლანკოსში" გადასვლა მის კარიერას არ გამოადგება"
- 11 თებერვალი 2010
- 1819
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
