მადრიდის "რეალის" ნახევარმცველმა, ფერნანდო გაგომ გამართა პრეს-კონფერენცია სადაც სამეფო კლუბში განვითარებულ მოვლენებზე ისაუბრა.

- როგორ გრძნობთ თავს, მას შემდეგ, რაც სანტიაგო ბერნაბეუზე დებიუტი შედგა?

მე თავს შესანიშნავად ვგრძნობ, რადგან წელს შესანიშნავი ფეხბურთელები დაგვემატნენ. პირველი მატჩები ძალიან რთული იქნება, რადგან ფეხბურთელები ჯერ შეთამაშებულები არ არიან.

- ჩვენ გუშინ ვერ ვიხილეთ მადრიდის "რეალის" საუკეთესო თამაში.

ძალიან რთულია თავიდანვე კარგად დაიწყო თამაში. თუმცა ჩვენ, ჩვენი თავდაუზოგავი ვარჯიშით მალე საუკეთესო ფორმაში შევალთ და მადრიდის "რეალს" ღირსებას დავუბრუნებთ.

- რას ფიქრობთ კრიშტიანო რონალდოსა და კარიმ ბენზემაზე?

ისინი შესანიშნავი ფეხბურთელები არიან. ორი ტალანტი - ეს შემიძლია ვთქვა მათზე. მე დარწმუნებული ვარ მალე ყველა ისიამოვნებს მათი თამაშის ყურებით.

- დღეს კაკამ პირველად ივარჯიშა გუნდთან ერთად.

იგი ახალი დაბრუნებულია შვებულებიდან და მისი გუნდთან ერთად ყოფნა ძალიან მნიშვნელოვანია, რადგან იგი საუკეთესო ფეხბურთელია.

- თქვენი აზრით, როგორ ითამაშებს "დე ქუიტო" ხვალ?

ჩვენ ძალიან მობილიზებულად უნდა ვითამაშოთ. არ უნდა დავუშვათ შეცდომა და აუცილებლად უნდა დავამარცხოთ ჩვენი მოწინააღმდეგე, თუმცა ისინი საკმაოდ კარგად თამაშობენ.

- გუნდის მწვრთნელმა განაცხადა თავის ინტერვიუში, რომ გუშინდელ მატჩში პირველი ტაიმი ძალიან კარგი გამოდგა.

მწვრთნელი მართლაც კარგად გვათამაშებს. მისი ტაქტიკა ძალიან მომწონს და მისი მითითებებით ძალინ ნასიამოვნები ვარ.

- დღევანდელმა გუნდში იპოვა თავისი თავი?

ჩვენ "ლა ლიგისთვის" უკვე კარგად ვიქნებით შეთამაშებულები. ჩვენ შესანიშნავი გუნდი გვყავს და დიდ წარმატებებს მივაღწევთ.

- თუ მადრიდის "რეალში" ხაბი ალონსო გადმოვა, თქვენ რამე პრობლემა შეგექმნებათ?

სამეფო კლუბს სჭირდება საუკეთესო ფეხბურთელები და მისი მადრიდიში ჩამოსვლა იქნება საუკეთესო ვარიანტი.