"მადრიდის რეალის" პრეზიდენტმა ფლორენტინო პერესმა და "მადრიდის საზოგადოების" პრეზიდენტმა , ესპერანსა აგუირემ დღეს ხელი მოაწერეს შეთანხმებას , რომლის მიხედვითაც კიდევ გაგრძელდება და გაიზრდება იმ პროგრამების რიცხვი, რომელსაც "მადრიდის რეალის ფონდი" ატარებს სპორტის,იმიგრაციისა და სოციალურ საქმეთა სამინისტროებთან ერთად.ხელმოწერას ესწრებოდნენ კრიშტიანო რონალდუ, იკერ კასილასი, ენრიკე სანჩესი–ფონდის ვიცე პრეზიდენტი, საზოგადოების ვიცე–პრეზიდენტი–იგნასიო გონსალესი, "მადრიდის რეალის" ვიცე–პრეზიდენტი–ფერნანდო ფერნანდეს ტაპიასი და კლუბის საპატიო პრეზიდენტი–ალფრედო დი სტეფანო.

" "მადრიდის რეალისთვის" სოლიდარობა და მხარდაჭერა უმნიშვნელოვანესი საკითხია. ჩვენ გვინდა შევქმნათ სამყარო , რომელიც უფრო მისაღები იქნება, ამისთვის კი ჩვენ კლუბის მომსახურებას ვთავაზობთ ყველას, განსაკუთრებით კი უპატრონო ბავშვებს"–განაცხადა პერესმა.

ესპერანსა აგუირემ დაამატა, რომ, " სპორტი სრულყოფილებისკენ სწრაფვაა და "მადრიდის რეალი" ამის ნათელი მაგალითია, ისევე როგორც, კრიშტიანო რონალდუ, მსოფლიოს ერთ–ერთი საუკეთესო ფეხბურთელი."

ამ შეთანხმების შედეგად უფრო მეტი სპორტული და სოციალური აკადემიები გაიხსნება, რომლებიც დაეხმარება და ხელს შეუწყობს ურთიერთობის დამყარებას იმიგრანტებსა და ესპანელებს შორის.

წყარო: Realmadrid.com