"მილანს" კოვაჩიჩი სურს
მადრიდის რეალის ამომავალი ვარსკვლავით იტალიური "მილანი" ინტერესდება
როგორც მოგეხსენებათ, ხორვატი ფეხბურთელი "ბლანკოსის" რიგებში საკმარის სათამაშო დროს ვერ იღებს, რაც პირველ რიგში გუნდში არსებული უდიდესი კონკურენციითაა განპირობებული.
22 წლის ფეხბურთელი მადრიდელთა რიგებში მილანის "ინტერიდან" გადავიდა, რომლის სატრანსფერო ფასი იმ დროს 31 მილიონს შეადგენდა. ტონი კროოსისა და ლუკა მოდრიჩის ტანდემის შემხედვარე, რთულია მატეო კოვაჩიჩის საჭიროება იპოვო გუნდის თამაშში. მიმდინარე სეზონში მან მხოლოდ 8-ჯერ დაიწყო სასტარტო შემადგენლობაში.
გავრცელებული ინფორმაციის თანახმად, "მილანის" ხელმძღვანელობა მზადაა, რომ ხორვატ ფეხბურთელში 36 მილიონი ევრო გადაიხადოს და ეს უნიჭიერესი ფლეიმეიკერი თავიანთ რიგებში გააფორმოს, თუმცა გასათვალისინებელია ის ფაქტი, რომ კოვაჩიჩმა ფეხი "ინტერში" აიდგა და გუნდის მაისურით 97 მატჩში, 8 გოლის გატანა მოახერხა. გავრცელდა ინფორმაცია, რომ ხორვატს ყოფილი გუნდის მთავარ მწვრთნელთან და ხელმძღვანელობასთან თანამშრომლობა არ სურს, რაც მის "მილანში" ტრანსფერს უფრო რეალურს ხდის.
- 3 ივლისი 2016
- 1609
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
