კროოსის ბრწყინვალე შედეგი "ევრო 2016"-ზე
მადრიდის "რეალის" გერმანელმა ნახევარმცველმა, ტონი კროოსმა "ევროპის ჩემპიონატზე" შესანიშნავი შედეგი დააფიქსირა...
"ევრო 2016"-ზე ტონი კროოსი, გერმანიის ნაკრების ერთ-ერთი ლიდერია, მან მშვენიერი მაჩვენებელი დააფიქსირა ზუსტი გადაცემების მხრივ.
გერმანელ ნახევარმცველს, მიმდინარე ჩემპიონატზე, ყველა ხუთივე თამაში შეუცვლელად აქვს ჩატარებული. მან ჯამში 522 გადაცემა შეასრულა, პასების 94% კი ზუსტი გახლდათ. კროოსი შეხვედრაში საშუალოდ 104,4 გადაცემას აკეთებს, ეს კი საუკეთესო შედეგია ყველამხრივ.
"რეალის" ფეხბურთელის ყველაზე ახლო მდევარი, შევეიცარიის ნაკრების მოთამაშე, გრანიტ ჯაკაა, რომელსაც 364 გადაცემა აქვს შესრულებული. იგი, ამ შედეგს ვერ გააუმჯობესებს, რადგან მისი ნაკრები "ევრო 2016"-ს 1/8 ფინალში გამოეთიშა.
ასე, რომ ტონი კროოს უდიდესი უპირატესობა აქვს კონკურენტებთან და დიდი ალბათობით, "ევროპის ჩემპიონატის" დასრულების შემდეგ, საუკეთესო მაჩვენებელი, პასების და მისი სიზუსტის მხრივ, გერმანელ ნახევარმცველს ექნება.
წყარო: Realmadrid.com
- 3 ივლისი 2016
- 3503
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
