"იუვენტუსი" კოვაჩიჩს მოელაპარაკა?
ესპანური გამომცემლობების ცნობით, ტურინელები მადრიდში ვიზიტს გეგმავენ.
"იუვენტუსს" მატეო კოვაჩიჩის გადაბირება სურს, რომელიც მიმდინარე სეზონის დაწყებამდე გადავიდა "ინტერიდან" მადრიდის "რეალში" 35 მილიონი ევროს სანაცვლოდ. თავიდან ხორვატ ნახევარმცველს რაფა ბენიტესთან მოუხდა მუშაობა და იგი მწვრთნელის ერთ-ერთი რჩეული ფიგურა იყო, თუმცა ზიდანის მოსვლის შემდეგ კოვაჩიჩის საქმე უკან წავიდა.
22 წლის ფეხბურთელი იშვიათად გამოდის მინდორზე, რაც იმას ნიშნავს, რომ "რეალის" სამწვრთნელო შტაბი მას ნდობას არ უცხადებს. მიუხედავად ამის, მატეო მაინც აგრძელებს თავდაუზოგავ შრომას იმისთვის, რომ სასურველ ფორმაში იყოს.
ზემოთ ნახსენები მიზეზის გამო, კოვაჩიჩმა შესაძლოა დატოვოს სამეფო კლუბი. მასთან მოსალაპარაკებლად მზად არის "იუვენტუსი". ტურინელების აზრით, ხორვატი ფეხბურთელი "ბებერი ქალბატონის" რიგებს კარგად მოერგება, რადგან მას სერია ა-ში ნათამაშები აქვს და კარგად იცნობს იტალიურ ფეხბურთს.
Bernabeudigital.com
- 7 მაი 2016
- 2637
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
