El Confidencial იუწყება, რომ ბრაზილიელი თავდამსხმელის, ნეიმარის წარმომადგენლები მადრიდულ დელეგაციას უკვე მეორედ შეხვდნენ...

მიუხედავად იმისა, რომ ნეი „ბარსელონას“ ერთ-ერთი წამყვანი ფიგურაა, მისი წასვლის შესახებ ხშირად წერენ.

კატალონიელებმა უკვე წარმოადგინეს განახლებული „ნოუ კამპის“ პროექტი, რომელიც რამდენიმე წელიწადში სრულად უნდა განხორციელდეს. ახალ სტადიონს კი ძალიან დიდი თანხა დასჭირდება.

ბრაზილიელი ფეხბურთელის სახელფასო პირობები არც ისე შთამბეჭდავია, თანაც იმ ფონზე, რომ მომდევნო წლებში „ბლაუგრანა“ ხელფასს ვერავის გაუზრდის, ვინაიდან ამის საშუალება ბიუჯეტი ვერ მისცემს.

მადრიდული მხარე მზად არის, ბრაზილიელის ხელფასი 40%-ით გაუზარდოს და 6 წლიანი კონტრაქტი შესთავაზოს. ამასთანავე ვრცელდება ინფორმაცია, რომ ფლორენტინო პერესი ნეის დავალიანების 50%-საც გადაიხდის. მოგეხსენებათ, ერთი თვის წინ ბრაზილიელს დარღვევების გამო საკმაოდ დიდი ფულადი ჯარიმა დაეკისრა.

ზაფხულში „რეალის“ აქტიურობა გადაწყვეტილია, მაგრამ ყველაზე დიდი მოლოდინი ნეიმართან დაკავშირებით არსებობს, ვინაიდან მისი გამადრიდელება წლის სენსაციად მოინთლება.������� dle 10.1������� ������� ������