ბორხა მაიორალი არის ერთ-ერთი იმ ხუთი ფეხბურთელიდა, რომელსაც სამეფო კლუბის "მომავალს" უწოდებენ.

აკადემიის აღზრდილი ფეხბურთელები ნელ-ნელა საუკეთესო მაჩვენებლებს აფიქსირებენ. მათ უკვე შეაყვარეს თავი გულშემატკივრებს და ძირითადი გუნდის ერთ-ერთ პატივსაცემ წევრებად ჩამოყალიბდნენ.

დანი კარვახალი არის ფეხბურთელი, რომელიც ყველა მადრიდისტას უყვარს. მან გასაოცარი პროგრესი განიცადა და იგი დღეს საუკეთესო მარჯვენა მცველად მოიაზრება. ასევე აღსანიშნავია ბრაზილიელი კაზემიროს შედეგები, რომელიც "რეალმა" "პორტოში" გატარებელი საუცხოო სეზონის შემდეგ დაიბრუნა.

ხესე და ლუკას ვასკესი დაახლოებით ერთი სტილის ფეხბურთელები არიან და ორივე განსაკუთრებით უყვართ მადრიდულ გრანდში. როდრიგესს მძიმე ტრავმის შემდეგ დიდი დრო გაუცდა და სამწუხაროდ აღმავალი კარიერა დროებით შეუჩერდა, თუმცა იგი ნელ-ნელა იბრუნებს სამწვრთენლო შტაბის, დირექტორატის და ფანების ნდობას. რაც შეეხება ლუკას ვასკესს, ზიდანი მას თითქმის ყოველთვის აძლევს მინდორზე გამოსვლის შანსს, რადგან იგი დიდი ნიჭის მქონე მოთამაშეა.

მეხუთე "ამომავალი ვარსკვლავი" გახლავთ ბორხა მაიორალი, რომელიც ლა ლიგის ბოლო შეხვედრებს სასტარტო შემადგენლობაში იწყებს. მასზე ბევრს საუბრობენ და თუ იგი გააგრძელებს შრომას, აუცილებლად გახდება "რეალის" ძირითადი გუნდის სრულფასოვანი წევრი.

Bernabeudigital.com������� dle 10.1������� ������� ������