პეპე:„ზიდანმა საოცარი განწყობა შემოიტანა“
კეპლერ პეპემ ზინედინ ზიდანთან ერთად პრესკონფერენცია გამართა...
„ჩვენი მიზანი მხოლოდ გამარჯვება იქნება. აუცილებელია, რომ გუნდური სულისკვეთება გამოვამჟღავნოთ.“
„სასტარტო თერთმეტეულს მწვრთნელი ადგენს, აქედან გამომდინარე ფეხბურთელებს მხოლოდ ბოლომდე მზადყოფნა გვმართებს.“
„ზიდანმა მოკლე დროში ძალიან დიდი სამუშაოები ჩაატარა. ფრანგი სპეციალისტი ყველაფერს აკეთებს იმისათვის, რომ „რეალი“ მოწოდების სიმაღლეზე იდგეს.“
„ზიზუმ მრავალი ტიტული მოიგო, მისთვის უცხო არაფერი არ არის, მაგრამ ახლა მწვრთნელი რანგში აპირებს იგივეს. ქომაგები ფრანგს დიდ პატივს სცემენ და მისი ეიმედებათ.“
„ამ თამაშს ძალიან დიდი ყურადღებით უნდა მივუდგეთ, წარმატების გასაღები კი ერთიანობა იქნება.“
„რომაელებს ბრწყინვალე გუნდი ჰყავთ. სპალეტის კოლექტივი შეტევაში ძალიან აგრესიულია, ვინაიდან უსწრაფესი გარემარბები ჰყავს.“
„ფანებს პატივს ვცემთ. ეჭვი არ გვეპარება, რომ ბერნაბეუ გაივსება და გუნდს დიდი ოვაციებით შეამკობს, ამიტომ ვალდებულნი ვართ, ბოლომდე დავიხარჯოთ, გამარჯვებას მივაღწიოთ და 1/4 ფინალში გავიდეთ.“
„არ აქვს მნიშვნელობა აკრიტიკებენ თუ არა რონალდუს, შედეგები ყველაფერზე მეტყველებს.“
„რაფა ვარანმა მიმდინარე სეზონში გაცილებით მეტი ითამაშა, ვიდრე მე. ეს ყველაფერი მწვრთნელზეა დამოკიდებული. ფრანგს დიდი მომავალი აქვს.“
„მადრიდის „რეალის“ მაისურის მორგება დიდი პრივილეგია და სიხარულია.“
„როდესაც გუნდს ვკაპიტნობ, განსაკთრებული სიამაყით ვივსები, ეს ხომ „რეალია“, რომელსაც უმდიდრესი ისტორია აქვს.“
„ჩემპიონთა ლიგის მოგება უპირველესი მიზანია, მაგრამ მსგავსი პოზიცია აქვს ყველა გრანდს, ამიტომ დიდი ბრძოლისუნარიანობის გამომჟღავნება მოგვიწევს.“
- 7 მარტი 2016
- 2755
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
