ბუტრაგენიო:„სიმართლე გითხრათ, ვინერვიულე“
ინსტიტუციონალური ურთიერთობების დირექტორმა, ემილიო ბუტრაგენიომ გუშინდელი პაექრობა შეაფასა...
„სიმართლე გითხრათ, ვინერვიულე, მაგრამ გუნდის შესაძლებლობებში ეჭვი არ მეპარებოდა. საბედნიეროდ, გავიმარჯვეთ და აქტივში მორიგი 3 ქულა ჩავიწერეთ.“
„პირველ ტაიმში სადავეები ხელთ ვიგდეთ და გავიტანეთ კიდეც, მაგრამ შემდეგ მოვეშვით და დავისაჯეთ კიდეც.“
„ფეხბურთელებს გაცილებით მეტის გატანა შეეძლოთ, მაგრამ არ გაგვიმართლა.“
„ლუკა მოდრიჩი ბრწყინვალე ფორმაშია, ხორვატის სიძლიერე გუნდზე მნიშვნელოვნად აისახება.“
„არ ვფიქრობ, რომ ახალი ტენდენცია ჩამოყალიბდა, რომლის მიხედვითაც, გასვლაზე თამაში გვიჭირს და მხოლოდ „ბერნაბეუს“ გუნდი ვართ. მომავალი ყველაფერს გვაჩვენებს.“
„კრიშტიანო რონალდუ შედარებით ინერტული იყო, მაგრამ გარკვეულ მომენტებში სიტუაცია გაამწვავა.“
„ვიმედოვნებ, მარსელოს დაზიანება სერიოზული არ იქნება და ბრაზილიელი მოთამაშე მომდევნო შეხვედრებში დაგვეხმარება.“
- 8 თებერვალი 2016
- 2395
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
