როგორც იტალიური გამოცემები იუწყებიან, ფლორენციის ფიორენტინა ისევ არის დაინტერესებული, სამეფო კლუბის ჰოლანდიელი ფეხბურთელის, როისტონ დრენტეს შეძენით...

იტალიელები ზაფხულშიც ცდილობდნენ ახალგაზრდა ფეხბურთელის შეძენას მაგრამ პერესი და კომპანია მეტ თანხას ითხოვდა, იტალიელები მხოლოდ 9 მილიონ ევროს იმეტებდნენ, პარდესამ კი განაცხადა, რომ როისტონი ახალგაზრდა იმედი მომცემი ფეხბურთელია და მას მხოლოდ 14 მილიონად შეელევა.

სამეფო კლუბი დაინტერესებული იყო ფლორენციელი ვარგასის შეძენით და იტალიელებთან ცდილობდა შეთანხმების მიღწევას, მაგრამ არაფერი გამოვიდა, როგორც ჩანს ვარგასი რეალს აღარ სურს მაგრამ ფიორენტინას ინტერესი დრენტესადმი არ იკარგება.

თუ დავუჯერებთ Corriere Dello Sport-ს, ფლორენციელთა ხელმძღვანელობა კიდევ შეეცდება მოლაპარაკების წარმართვას მადრიდულ მხარესთან, მაგრამ იტალიელებმა ძალიან კარგად იციან, რომ თანხა უნდა გაზარდონ, 9 მილიონზე ,,ბლანკოსი" უარს აცხადებს.

როგორც ჩანს ორივე მხარე მიუსხდება მოლაპარაკებების მაგიდას. თუ როგორ განვითარდება მოვლენები, სულ მალე ვიხილავთ.������� dle 10.1������� ������� ������