ზიდანმა წამსვლელ ფეხბურთელთა სია ჩამოწერა
გავრცელებული ინფორმაციით, ზინედინ ზიდანი მადრიდის „რეალში“ გარკვეული სახის წმენდას მოახდენს, მაგრამ უნდა აღინიშნოს, რომ ზაფხულამდე გუნდი არცერთ ფეხბურთელს არ შეელევა, შემდეგ აქტიურ სატრანსფერო პოლიტიკას აწარმოებს...
უნდა აღინიშნოს, რომ ორ შემთხვევაში ნამდვილი მოულოდნელობა ფიქსირდება.
როგორც სჩანს, ზიზუს გეგმებში არ შევა რუსი ფეხბურთელი, დენის ჩერიშევი, რომელიც ხშირად არც ბენიტესის გეგმებში შედიოდა.
El Mundo-ზე დაყრდნობით, კლუბი ხესე როდრიგესსაც გაუშვებს, მაგრამ აუცილებლად დაიტოვებს იმის უფლებას, რომ ფეხბურთელის გამოსყიდვა შეძლოს.
ამასთანავე მცირე შანსი ექნება ლუკას ვასკესსაც. საინტერესო წინადადების მიღების შემთხვევაში, ფრანგ მწვრთნელი ლუკას სხვაგან წასვლაში ხელს არ შეუშლის.
ამასთანავე ვრცელდება ინფორმაცია, რომ გუნდი შესაძლოა, კიკო კასილიამაც დატოვოს. ზიზუს აზრით, ესპანელი კარის დარაჯი სათადარიგოთა სკამზე ძალიან ცოდოა, ამიტომ ისეთ გუნდში უნდა წავიდეს, სადაც პირველი მეკარის სტატუსით ისარგებლებს.
კიდევ ერთი კანდიდატი ნაჩო გახლავთ, მაგრამ ისევე, როგორც ხესეს შემთხვევაში, ფერნანდესიც იჯარით შეიძლება წავიდეს.
- 6 იანვარი 2016
- 18604
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
