ბენიტესი:„საუკეთესო ბალანსი ვაჩვენეთ“
რაფაელ ბენიტესმა „ტოტენჰემის“ დამარცხების შემდეგ, საპრესკონფერენციო ოთახისკენ აიღო გეზი და ჟურნალისტებს გაესაუბრა...
„ძალიან კარგად ვითამაშეთ. განსაკუთრებით უნდა აღვნიშნო დაცვის რგოლის ასპარეზობა, რომელიც ძალიან კომპაქტური იყო. გუნდში იდეალური ბალანსი შეიმჩნეოდა, რის გამოც უზომოდ ბედნიერი ვარ.“
„როგორც დღეს ვითამაშეთ, ისე უნდა გამოვიყურებოდეთ სეზონის სტარტზე და სტაბილურობა მთელი წლის მანძილზე შევინარჩუნოთ. ფეხბურთელებმა მოვალეობები შეასრულეს.“
„დღეს კიდევ ერთხელ გამოჩნდა, თუ რამხელა როლს ასრულებს ტონი კროოსი, გერმანელი ფეხბურთელი ძალიან გვჭირდება.“
„ისკო არის ფეხბურთელი, რომელიც მოედანზე სპექტაკლებს დგამს. ყოველთვის ვიცოდი და კიდევ უფრო ვრწმუნდები იმაში, რომ ესპანელი ნახევარმცველის სახით უდიდესი შეგირდი გვყავს.“
„ჩემი ფეხბურთელები ფიზიკურად ძალიან კარგად მუშაობენ, რაც თავდაუზოგავი ვარჯიშის შედეგია. კარიმ ბენზემა, ხესე, კრიშტიანო რონალდუ და გარეთ ბეილი ხშირად გაცვლიან პოზიციებს.“
„პაჩეკო შესაძლოა იჯარით გავუშვათ. ჯერ-ჯერობით არ ვიცი რა ბედი ეწევათ მარტინ ოდეგარსა და ასენსიოს, ხანგრძლივი ფიქრის შედეგად გადავწყვეტ, დარჩებიან თუ არა ისინი მთავარ გუნდში. ერთი რამის თქმა დანამდვილებით შემიძლია, ორივე მათგანისთვის საუკეთესო გადაწყვეტილებას მივიღებ, რომელიც მომავალში გამოადგებათ.“
„კარიმ ბენზემა მადრიდულ გიგანტში რჩება, ფრანგი ფეხბურთელის წასვლის შესახებ ყველა სპეკულაციას წერტილი უნდა დაესვას.
- 4 აგვისტო 2015
- 2845
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
