გადამწყვეტი კვირა დე ხეასთვის
დე ხეას მომავალი უახლოეს ერთ კვირაში გაირკვევა.
სულ რაღაც ექვს დღეში სტარტს აიღებს ინგლისის პრემიერ ლიგის 2015/16 წლების გათამაშება. მანჩესტერ "იუნაიტედი" ოლდ ტრაფორდზე ლონდონის "ტოტენჰემს" უმასპინძლებს. "წითელი ეშმაკები" ამ შეხვედრისთვის განსაკუთრებით ემზადებიან და თუ რაიმე სატრანსფერო გარიგებაა მოსალოდნელი, ყველაფერი მატჩამდე უნდა მოგვარდეს.
ინგლისში იმაზეც კი ფიქრობენ, რომ დე ხეა სათადარიგოთა სკამზე დასვან, რადგან როდესაც ფეხბურთელი გუნდის დატოვებაზე ფიქრობს და სხვა კლუბთან აწარმოებს მოლაპარაკებებს, მაშინ თამაშზე კონცენტრირებას ვერ ახდენს. სწორედ ასეა ახალ დავიდიც.
მადრიდის "რეალის" ხელმძღვანელობა ცდილობს ახალგაზრდა ესპანელი მეკარის დაყოლებას, თუმცა ტრანსფერის დაბლოკვას ლუის ვან გაალი მაქსიმალურად ცდილობს. შეთანხმება თითქმის დასასრულისკენ მიდის, თუმცა მაინც არის დამაბრკოლებელი მდგომარეობა. ყველაფრის მიუხედავად, მომდევნო ექვს დღეში გაირკვევა საბოლოო პასუხი, თუ რომელ კლუბში ითამასებს დე ხეა, მადრიდის "რეალში" თუ მანჩესტერ "იუნაიტედში".
Marca.com
- 3 აგვისტო 2015
- 2916
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
