მადრიდის "რეალის" ცენტალური მცველი, რაულ ალბიოლი სპორტულ გამომცემლობა AS-ში იყო მიწვეული, სადაც ჟურნალისტების კითხვებს უპასუხა.

"პირველ რიგში ფეხბურთელმა უნდა გაათვითცნობიეროს, რომ გუნდი იგივე ოჯახია. მე ამას კარგი ხანია მივხვდი და ახლა წარმატებიკენ ვისწრაფვი. "რეალში" ჩემი პირველი სეზონი ახლა მიმდინარეობს და მე უნდა დავამტკიცო, რომ ასეთი დიდი კლუბის ღირსი ვარ."

"ჩვენ ყველა პოზიციაზე საკმაოდ კარგად ვთამაშობთ. შეტევა და ნახევარდაცვა უბადლო გვყავს. ყველანი მივხვდით, რომ მთავარია ერთმანეთის დახმარება და სტადიონზე მთელი 90 წუთი მობილიზირებულნი ვართ."

"გუნდში ყველაფერი კარგად მიდის. ფეხბურთელები ბოლომდე იხარჯებიან. დღეს-დღეისობით ჩვენი მთავარი მიზანი "ბარსელონას" გასწრებაა. ძალიან მინდა მოვიგო ჩემპიონთა ლიგა და ლა ლიგა, ეს ჩემი ყველაზე დიდი ოცნებაა."

"პეპე მსოფლიოს საუკეთესო მცველია. მისი სამუშაოს შესრულება ჩვენ მოგვიწევს, რაც ძალიან რთული იქნება."