რამოსი:"ნახევარდაცვაში თავს კომფორტულად ვგრძნობ"
სერხიო რამოსმა ანდალუსიელებთან გამარჯვების შემდეგ კომენტარი გააკეთა...
"სიმართლე გითხრათ, ძალიან გახარებული ვარ. ზუსტად ისე შევასრულე ჩემი მოვალეობა, როგორც მწვრთნელმა დამავალა. ნახევარდაცვაში თავს კომფორტულად ვგრძნობ და ვთვლი, რომ გუნდის დახმარება ახალ პოზიციაზეც შემიძლია."
"ვიცოდით, რომ სამკვდრო-სასიცოცხლო ბრძოლა გველოდა. წაბორძიკების შემთხვევაში ჩემპიონობას დავემშვიდობებოდით, ამიტომ მოედანზე მოსაგებად გავედით."
"არ ვფიქრობ, რომ თერთმეტმეტრიანი საფუძვლიანად დაინიშნა, აქ მსაჯმა სუბიექტურად იმსჯელა. "სანჩეს პისხუანზე" დამსახურებულად გავიმარჯვეთ."
"ჩვენ ყველა თამაში უნდა მოვიგოთ და "ბარსელონას" წაბორძიკებაზე ვიფიქროთ. კატალონიელები კარგ ფორმაში არიან, ამიტომ შანსები დიდი არ არის, თუმცა ბოლომდე ვიბრძოლებთ."
"კრიშტიანო მიზანდასახული ფეხბურთელია, მისი ჰეთ-თრიკები აღარავის უკვირს, პორტუგალიელი საუკეთესო თამაშს აჩვენებს."
- 3 მაი 2015
- 4418
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
