მარსელო ჩემპიონთა ლიგის მეოთხედფინალური ეტაპის განმეორებით მატჩს "ატლეტიკოს" წინააღმდეგ გამოტოვებს.

ესპანურმა სპორტულმა გამომცემლობა Marca-მ გადაწყვიტა ჩაეტარებინა გამოკითხვა და შეეტყო გულშემატკივრის აზრი, თუ ვინ უნდა შეცვალოს მარსელო შემდეგ მატჩში "ატლეტიკოსთან", რომელიც დაპირისპირებაში მონაწილეობას დისკვალიფიკაციის გამო ვერ მიიღებს.

ბრაზილიელი მცველის ადგილის დაკავება შეუძლიათ, არბელოას, კოენტრაოს, ნაჩოს და ბეილს. გამოკითხვის შედეგად აღმოჩნდა, რომ ფანების 48,8%-ი ბეილის მარცხენამცველობას უჭერს მხარს. შეგახსენებთ, რომ უელსელმა ფეხბურთელმა ლონდონის "ტოტენჰემში" სწორედ ამ პოზიციაზე დაიწყო თამაში და იგი ერთ-ერთი საუკეთესო იყო იმ პერიოდისთვის ევროპაში.

მადრიდისტების 38,2% თვლის, რომ მარსელო ფაბიო კოენტრაომ უნდა ჩაანაცვლოს. ნაჩოს მხარი მხოლოდ 6,7% დაუჭირა, ხოლო ალვარო არბელოას ყველაზე დაბალი მაჩვენებელი აქვს - 6,2%.

Marca.com������� dle 10.1������� ������� ������