ანჩელოტი:"0-0 სამართლიანი შედეგი არ არის, ჩვენ მეტი დავიმსახურეთ"
კარლო ანჩელოტიმ "ატლეტიკოს" დაფიქსირებული ნულოვანი ყაიმის შემდეგ პრეს-კონფერენცია გამართა...
"მადრიდის "რეალმა" შესანიშნავად ითამაშა. ნულოვანი ფრე სამართლიანი შედეგი არ არის. ჩვენ გამარჯვებას ვიმსახურებდით."
"პირველ ტაიმში გუნდმა ფანტასტიური ფეხბურთი ითამასა. არ გაგვიმართლა. მინიმუმ ერთ გოლს ვიმსახურებდით. ბურთის ფლობა შესანიშნავი გვქონდა და შეხვედრის სადავეები ხელიდან არ გაგვქცევია. მეორე ტაიმში სიმეონეს გუნდი გონს მოეგო და არაერთი მომენტი შექმნა. ვფიქრობ, საერთო ჯამში გაცილებით მეტს ვიმსახურებდით, მაგრამ არაუშავს, ოპტიმიზმის საფუძველი ნამდვილად მაქვს."
"მადრიდის "ატლეტიკო" მსოფლიოს ერთ-ერთი საუკეთესო გუნდია, ობლაკი კი უდიდესი მომავლის მქონე კიპერი."
"რაც "კალდერონზე" დაგვაკლდა, "ბერნაბეუზე" უნდა შევავსოთ. გუნდმა შეტევითი პოტენციალი გამოავლინა. მომდევნო კვირაში თითოეულ დეტალზე დიდი ყურადღებით გამახვილება გვმართებს."
"მსაჯებზე საუბარი არ მსურს, თუმცა არბიტრს ბევრი საქმე ჰქონდა."
"მარსელოს დისკვალიფიკაცია მოულოდნელი არ იყო, რადგან მას ყვითელი ბარათით უწევდა თამაში. ბრაზილიელი გუნდის ლიდერია, მაგრამ ვეცდებით შევცვალოთ."
"ფავორიტი არ არსებობს. ეს ისეთი შეხვედრაა, სადაც შესაძლოა ყველაფერი მოხდეს."
- 15 აპრილი 2015
- 5711
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
