მადრიდის "რეალის" ფეხბურთელები კიდევ ერთხელ შეიკრიბნენ და მორიგი სამწვრთნელო სესია გამართეს. ფეხბურთელები "გრანადასთან" დაპირისპირებისთვის ემზადებიან...

კეილორ ნავასმა და ხავიერ ერნანდესმა სრული დატვირთვა მიიღეს. მოგეხსენებათ, ეს ფეხბურთელები ყველაზე გვიან შეუერთდნენ კლუბს.

ხამეს როდრიგესი "გრანადასთან" პაექრობას სრულ მზადყოფნაში ხვდება, მან შეხვედრა შესაძლოა სასტარტო წუთებიდან დაიწყოს.

პეპე აღდგენით პროცესს აგრძლებს. პორტუგალიელი ფეხბურთელი მოედანზე სავარაუდოდ, 2 კვირაში დაუბრუნდება.

კარლო ანჩელოტიმ ძირითადი აქცენტი შეტევითი პოტენციალის გააქტიურებაზე გააკეთა, თუმცა ფეხბურთელებმა სხვადასხვა სახის რამდენიმე სქემაც დახვეწეს.