"რეალი" კვირისთვის ინტენსიურად ემზადება
მადრიდის "რეალის" შემადგენლობა უკვე სრულად არის დაკომპლექტებული, ამიტომ კარლო ანჩელოტის ინტენსიური მზადების საშუალება ეძლევა...
კლუბში დაბრუნდნენ ჩიჩარიტო და კეილორ ნავასი, რომლებიც დღეს დახურულ კარს მიღმა ირჯებოდნენ, სხვა ფეხბურთელები კი 100%-ით დაიტვირთნენ. პეპე აღდგენით პროცესს გადის, პორტუგალიელი ფეხბურთელის თამაში "გრანადას" წინააღმდეგ გამორიცხულია, ის განაცხადს მიღმა დარჩება.
მარტინ ოდეგარი და სხვა კასტილიელები მთავარი გუნდის ფეხბურთელებთან ემზადებოდნენ.
ხამესი როდრიგესი სრულ მზადყოფნაშია და ის კვირის შეხვედრაში სათამაშო წუთებს აუცილებლად მიიღებს.
გუნდმა მთელი რიგი ვარჯიშები შეასრულა. დედაქალაქელები მომდევნო სესიას ხვალ გამართავენ, დასკვნითს კი შაბათს.
შეგახსენებთ, ლა ლიგის 29-ე ტურის დაპირისპირებაში "რეალი" "გრანადას" კვირას, სანტიაგო ბერნაბეუზე უმასპინძლებს. შეხვედრა სტარტს 15:00 საათზე აიღებს.
- 2 აპრილი 2015
- 2010
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
