"მილანის" ახალი პროექტი - ანჩელოტი + 170 მილიონი ფეხბურთელებში
იტალიური საინფორმაციო წყაროები "მილანის" გადაწყვეტილების შესახებ გვამცნობენ, რომელმაც აღზევება გადაწყვიტა...
კლუბი, რომელიც ყოველ წელს ჩემპიონთა ლიგის უდავო ფავორიტად ითვლებოდა, კოლექტივი, რომელიც ყველაზე ანგარიშგასაწევი ძალა იყო იტალიის სერია "ა"-ში, დღეის მდგომარეობით მე-10 ადგილზე იმყოფება და ევროპის ყველაზე პრესტიჟულ ტურნირზე საერთოდ ვერ ახერხებს ასპარეზობას.
"როსონერის" ხელმძღვანელობა გონს მოეგო. იტალიელი მიზანი მომდევნო სეზონში მინიმუმ ქვეყნის ჩემპიონატის მოგება იქნება, შემდეგ კი ჩემპიონთა ლიგაზე ფიქრიც შეიძლება.
ჟურნალ-გაზეთების ინფორმაციით მილანელები ზაფხულში 170 მილიონ ევროს გამოყოფებენ მაღალკვალიფიციური ფეხბურთელების შესაძენად.
"შავ-წითლები" იწყებენ ახალ პროექტს, რომელსაც სათავეში კარლო ანჩელოტი უნდა ჩაუდგეს. "რეალიდან" წასვლის შემთხვევაში ყველაზე მეტი შანსი თავისთავად "მილანს" ექნება, რადგან კარლოს ეს კლუბი ძალიან უყვარს და არაერთი ტიტული აქვს მოგებული.
ამასთანავე "მილანში" დიდი წმენდა გამოცხადდება. ხელმძღვანელობის მიზანს გაყიდული ფეხბურთელებიდან მინიმუმ 80 მილიონი ევროს შეგროვება სურს. წინასწარი ინფორმაციით იტალიურ გუნდს 7-8 ფეხბურთელი დატოვებს.
- 13 მარტი 2015
- 6765
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
