კარლო ანჩელოტი თავის მეთოდებს მიჰყვება და ორიენტირის შეცვლას არ აპირებს.

მადრიდის "რეალის" თავკაცი კონსერვატიულად უდგება საქმეს. მთელი აზრი მის ტაქტიკაში ის არის, რომ კარლიტო დიდ ყურადღებას აქცევს გუნდის ისტორიას და არ სურს მისი მადრიდული კარიერა "თეთრების" გულშემატკივარს ცუდად დაამახსოვრდეს. ამიტომ იგი ყოველთვის ცდილობს შემტევი მოთამაშეები გამოიყვანოს მინდორზე. ამას ისიც მეტყველებს, რომ გასული მატჩი "რეალმა" ოთხი ფორვარდით დაასრულა.

თუ გავიხსენებთ ანჩელოტის გაწვრთნილ "მილანს" (2001-09 წლები), დავინახავთ, რომ იგი დიდ ყურადღებას აქცევდა მინდორზე მოთამაშეების სწორ განლაგებას და ცდილობდა ცვლილებები 70-75 წუთისთვის გაეკეთებინა. ასე იყო "ჩელსიშიც" (2009-11) და "პსჟ"-შიც (2012-13).

მთელი ეს პერიოდი კარლოსთვის წარმატებული იყო. მისთვის იღბლიანი გამოდგა გასული სეზონიც, რადგან მადრიდის "რეალმა" მეათედ აღმართა ევროპის ყველაზე პრესტიჟული ჩემპიონატის ტიტული, რაც ისტორიის ნაწილი გახდა. მთელი ამ წლების განმავლობაში დაგროვებული გამოცდილების გამოყენებას ახლა ანჩელოტი მიმდინარე სეზონში ცდილობს, რადგან მისი გუნდი ნამდვილად გასაჭირშია. წლევანდელი სეზონის დასაწყისში სამეფო კლუბი მძიმედ გამოიყურებოდა და კარლიტომ შეძლო თავისი შეგირდების კრიზისიდან გამოყვანა. ახლა კი დროა ანჩელოტიმ კვლავ მოძებნოს გამოსავალი.

Marca.com������� dle 10.1������� ������� ������