ბუტრაგენიო:"საამაყო გულშემატკივრები გვყავს"
ინსტიტუციონალური ურთიერთობების ხელმძღვანელმა, ემილიო ბუტრაგენიომ "ატლეტიკოსთან" დაპირისპირების შემდეგ საკუთარი მოსაზრება გამოთქვა...
"ჩვენ შეგვიძლია ვიამაყოთ გულშემატკივრებით, რომლებიც 90 წუთის მანძილზე მხურვალედ გვიჭერდნენ მხარს, მაგრამ ეს ყველაფერი არ იყო. მთელი დღის განმავლობაში "ბლანკოსი" მთავარ თემად იქცა ესპანეთის დედაქალაქში."
"პირველ ნახევარში შესანიშნავად ვითამაშეთ და მეტოქის კართან არაერთი სახიფათო მომენტი შევქმენით. პირველ წუთზე მიღებულმა ბურთმა მოტივაცია კიდევ უფრო გაგვიზარდა, მაგრამ შანსები შეგვიმცირა."
"დიეგო სიმეონეს გუნდი ბოძებულ შანსებს 100%-ით იყენებს. ჩვენი კარის მიმართულებით ბურთი ორჯერ წავიდა და ორივეჯერ გოლი გავუშვით."
"მომავალს ოპტიმისტურად ვუყურებ, რადგან შესანიშნავი კოლექტივი გვყავს და წარმატებაზე ფიქრი შეგვიძლია."
"ჩემპიონთა თასზე და ლა ლიგაში დიდი კონცენტრაციით თამაში გვმართებს."
"ფრანცისკო ალარკონზე საუბარი აღარ ღირს. ახალგაზრდა ესპანელი ყველას აოცებს საკუთარი შესანიშნავი თამაშით. ისკო "რეალის" მომავალი გახლავთ."
"კრიშტიანო რონალდუსთვის 2015 წელი ბრწყინვალედ დაიწყო, მან არაერთი აღიარება მოიპოვა."
- 16 იანვარი 2015
- 1560
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
