ვისენტე კალდერონზე უიღბლო შეხვედრის შემდეგ, სერხიო რამოსმა ჟურნალისტებთან ისაუბრა.

"სამწუხაროდ გულშემატკივრების გახარება ვერ შევძელით და დავმარცხდით. ახლა მთავარია დღევანდელი დღე დავივიწყოთ და ლა ლიგის შემდეგ მატჩზე ვიფიქროთ, რომელსაც კვირას გავმართავთ. წინ კოპა დელ რეის მეთექვსმეტედფინალის განმეორებითი შეხვედრაა და დარწმუნებული ვარ შემდეგ ეტაპზე გასვლას მოვახერხებთ."

"ჩემი აზრით, პრემიერ ლიგას აუცილებლად უნდა მივბაძოთ. ინგლისის ჩემპიონატი არის ყველაზე პოპულარული გათამაშება, სადაც მცველსა და თავდამსხმელს ორთაბრძოლის საშუალება ეძლევა. ვფიქრობ, არბიტრს პენალტი არ უნდა დაენიშნა. როდესაც მარცხდები მსაჯების კრიტიკა მარტივია, თუმცა ამის გაკეთებას არ ვაპირებ, მიუხედავად იმისა, რომ არბიტრი ამას იმსახურებს."

"კრიშტიანოს სიტუაცია სამწვრთნელო და სამედიცინო შტაბმა განიხილეს, რის შედეგადაც პორტუგალიელი ვარსკვლავის თადარიგში დატოვება გადაწყდა. რა თქმა უნდა, მისი არ ყოფნა დაეტყო გუნდს, მაგრამ რისკზე წასლვის უფლება კარლო ანჩელოტის არ ჰქონდა."

"ცუდი რეზულტატის დაფიქსირება სასიხარულო არ არის, თუმცა სპორტში ასეთი გაკვეთილის მიღება აუცილებელია. სწორედ ეს გვეხმარება ჩვენი შეცდომების შესწავლაში და სათამაშო სტილის გაუმჯობესებაში."

Realmadrid.com������� dle 10.1������� ������� ������