ანჩელოტი მორიგ როტაციას მიმართავს
კარლო ანჩელოტი "ატლეტიკოსთან" მატჩში როტაციას მიმართავს.
იტალიელი სპეციალისტის გადაწყვეტილებით, რამდენიმე ფეხბურთელი, რომელიც ძირითადად თადარიგში რჩებიან, კოპა დელ რეის მატჩში, "როხი-ბლანკოს" წინააღმდეგ ძირითად შემადგენლობაში მოგვევლინებიან.
ერთ-ერთი მათგანი იქნება კოსტა-რიკერლი მეკარე, კეილორ ნავასი. მადრიდელთა მე-13 ნომერი მინდროზე მხოლოდ ესპანეთის თასის შეხვედრებში გვევლინება და იგი ვალდებულია დაამტკიცოს თავისი შესაძლებლობები. ამის შესახებ ანჩელოტიმ ჯერ კიდევ 24 ოქტომბერს ისაუბრა (კეილორი მხოლოდ კოპა დელ რეიზე ითამაშებს, სხვა მატჩებში მადრიდის "რეალის" კარს იკერ კასილასი დაიკავებს).
საწყისი წუთებიდან დაიწყებს თამაშს სამი ხედირაც.მიმდინარე სეზონში მან 2,610 წუთიდან მხოლოდ 247 წუთი გაატარა საქმეში. ანჩელოტიმ გერმანელი ნახევარმცველი წინა შეხვედრაში გამოიყვანა, რათა მოედნის შუა ნაწილი გაეძლიერებინა და ასეც მოხდა.
მინდორზე პირველივე წუთებიდან გამოვა რაფაელ ვარანიც, რომელიც პრაქტიკულად უშეცდომოდ ატარებს თითოეულ მატჩს, თუმცა მაინც სათადარიგოთა სკამზე უწევს ყოფნა.
As.com
- 6 იანვარი 2015
- 2282
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
