ლი როუდენის კიდევ ერთი დიდებული სტატია, რომლის საშუალებითაც უკეთესად გაიცნობთ "ბლანკოსის" ახალ შენაძენს– მარკო ასენსიოს.

დაიბადა 1996 წლის 21 იანვარს, პალმაში (ქალაქი ესპანეთში, კუნძულ მალიორკაზე)
პოზიცია: შემტევი ნახევარმცველი
ამჟამინდელი კლუბი: R.C.D მალიორკა

"არ არის ხშირი მეორე დივიზიონის ფეხბურთელმა ისეთი რამ გააკეთოს, რაც მადრიდის "რეალს" მის ყიდვას აიძულებს, თუმცა მარკო ასენსიო განსაკუთრებული ფეხბურთელია. "მალიორკას" შემტევმა დიდებულად წარმოაჩინა თავი ბოლო 12 თვის განმავლობაში და კლუბში თავისი ადგილის დამკვიდრებაც შეძლო, მითუმეტეს, რომ სეზონის დასაწყისში მას უნდა ებრძოლა ძირითად შემადგენლობაში მოსახვედრად."

"მისმა დიდებულმა თამაშმა ევროპის უდიდესი კლუბები მიიპყრო, თუმცა მათ შორის განსაკუთრებით გამოირჩეოდა ესპანეთის ორი გრანდი, თუმცა მადრიდის "რეალმა" უდიდეს მეტოქესთან ბრძოლაში გაიმარჯვა და უნიჭეიერესი მარკო ასენსიო თავის ფეხბურთელად აქცია."

"შესაძლოა ყველაფერი სხვაგვარად ყოფილიყო, რადგან ამ ბიჭისთვის ბრძოლა "ბარსელონამ" პირველმა დაიწყო და ძალიანაც ახლოს იყო ფეხბურთელი აგვისტოში გაეფორმებინა, თუმცა კატალონიელებმა რამდენიმე შეცდომა დაუშვეს. პირველი ის, რომ მათ "მალიორკას" არასაკმარისი თანხა შესთავაზეს. მეორე კიდევ ის, რომ მათ სურდათ ასენსიოს "ბარსელონა ბ–ში" გაეგრძელებინა ასპარეზობა."

"თეთრები საჭირო დროს საჭირო ადგილას აღმოჩნდნენ. მათ "მალიორკას" €3.7 მილიონი გადაუხადეს და მარკოს სეზონის ბოლომდე მის ამჟამინდელ კლუბში ("მალიორკაში") თამაშის უფლება მისცეს."������� dle 10.1������� ������� ������