იკერ კასილასი "სელტასთან" მატჩში კვლავ ძირითად შემადგენლობაში მოგვევლინება.

2014 წელი მადრიდის "რეალისთვის" უმნიშვნელოვანესი და დასამახსოვრებელი იყო. თეთრებმა ამ წელს მეთედ მოიგეს ჩემპიონთა ლიგა. ევროპის ყველაზე პრესტიჟული ტურნირის თასის აღმართვას მადრიდელი გულშემატკივარი 12 წლის განმავლობაში ელოდა.

2013/14 წლების სეზონის დასაწყისი კასილასისთვის ცოტა არ იყოს მძიმე იყო, რადგან მას კონკურენციას უწევდა დიეგო ლოპესი. მადრიდელთა კაპიტანს ძირითად შემადგენლობაში ადგილი გარანტინრებული არ ჰქონდა და ხშირ შემთხვევაში იგი თადარიგში იყო. ანჩელოტი კასილასს მინდორზე გამოსვლის საშუალებას მხოლოდ ჩემპიონთა ლიგისა და კოპა დელ რეის მატჩებში აძლევდა. მიუხედავად ამისა იკერმა მოძებნა საკუთარ თავში ძალები და 2014/15 წლების სეზონში იგი კვლავ სასტარტო თერთმეტეულის პირველი ნომერია.

საინტერესო იქნება მიმდინარე სეზონის მეორე ნახევარიც, რადგან წინ საერთაშორისო საკლუბო ჩემპიონატი ელით მადრიდელებს. ჯერ–ჯერობით არ არის ცნობილი, თუ ვინ დაიკავებს ადგილს ძირითად შემადგენლობაში, მაგრამ ერთი რამ დარწმუნებით შეგვიძლია ვთქვათ, ჩვენ, მადრიდის "რეალის" გულშემატკივრები კარგად ვიცნობთ ჩვენი კაპიტნის, კასილასის ხასიათს და ვიცით, რომ იგი ყველაფერს გააკეთებს იმისთვის, რომ მსოფლიო ჩემპიონატზე თავის კლუბს გაუძღვეს წინ.

Marca.com������� dle 10.1������� ������� ������