შედგება კავანი-ბენზემას ბარტერი?
ფრანგულ პრესაში აქტიურად ვრცელდება ხმები იმის შესახებ, რომ მადრიდის "რეალი" კარიმ ბენზემას ედინსონ კავანის სანაცვლოდ დათმობს...
კარლო ანჩელოტი ფრანგი ფორვარდის თამაშით კმაყოფილია და ნაკლებად სავარაუდოა მის გაშვებას დათანხმდეს, თუმცა ყველა ჭორშია სიმართლის მარცვალი, თანაც დღეს ამ ინფორმაციამ არაერთი ფრანგული წყარო მოიცვა.
ფრანგული პარისენჟერმენი ურუგვაელი ფორვადის მარგი ქმედების კოეფიციენტით არც ისე კმაყოფილია, იგი შვედი ფორვარდის, ზლატან იბრაჰიმოვიჩის ჩრდილქვეშაა მოქცეული, სწორედ ამიტომ შესაძლოა დედაქალაქელებმა კავანი დათმონ და მის ნაცვლად კლუბში კარიმ ბენზემა ჩარიცხონ.
"პსჟ"-ში ფიქრობენ, რომ ბენზემა სამშობლოში ბევრად უფრო პროდუქტიული იქნება, თანაც მას ფრანგული სტილი და ფილოსოფია გათავისებული აქვს, რადგან წლების მანძილზე იცავდა "ლიონის" ღირსებას.
კავანის მიმართ ინტერესი ფლორენტინო პერესს ჯერ კიდევ მაშინ ჰქონდა, როდესაც წინახაზელი იტალიაში ასპარეზობდა და საკმაოდ ეფექტურად ახერხებს მოედანზე საქმის კეთებას.
ჯერ-ჯერობით სხვა ინფორმაციები არ ვრცელდება. დაველოდოთ მოვლენათა განვითარებას.
- 2 დეკემბერი 2014
- 2288
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
