გუშინ გაიმართა ევრო 2016 წლის საკვალიფიკაციო ეტაპის მატჩები, სადაც ერთმანეთს დაუპირისპირდნენ პორტუგალიისა და სომხეთის ეროვნული ნაკრებები. აღნიშნულ შეხვედრაში კრიშტიანო რონალდომ და პეპემ ძირითად შემადგენლობაში შეუცვლელად ითამაშეს.

შეხვედრა ანგარიშით 1:0 დასრულდა პორტუგალიელთა გამარჯვებით. მატჩის იმ ერთადერთი გოლის გატანა კი მადრიდის "რეალის" ლიდერმა კრიშტიანო რონალდომ მოახერხა 72-ე წუთზე.

ამჟამად I ჯგუფში პირველ ადგილს დანია იკავებს 7 ქულით. მეორე ადგილს პორტუგალია 6 ქულით, მესამეს ალბანეთი 4 ქულით, ხოლო მეოთხე და მეხუთე ადგილებზე კი სერბეთი და სომხეთია თითო-თითო ქულებით.