ხამესი, მადრიდის რეალის უცვლელი წევრი
კოლუმბიელი ფეხბურთელი ნელ-ნელა "მადრიდის რეალის" ბირთვად ყალიბდება.
იგი ერთადერთი ფეხბურთელია გუნდში, რომელსაც მიმდინარე სეზონის უკლებლივ ყველა მატჩში აქვს მონაწილეობა მიღებული. საერთო ჯამში მას 19 თამაში დაუგროვდა, რითაც ყველა სხვა ფეხბურთელზე წინ დგას.
კოლუმბიელმა თეთრების რიგებში 11 ლა ლიგის (4 გოლი), 4 ჩემპიონთა ლიგის (1 გოლი), 2 ესპანეთის სუპერთასის (1 გოლი), 1 ევროპის სუპერ თასისა და 1 კოპა დელ რეის შეხვედრა ჩაატარა. ამ 19-დან 16 მატჩში მან ძირითადი შემადგენლობიდან დაიწყო თამაში.
კოლუმბიელის უკან ნათამაშები მატჩების მხრივ კროოსი და ისკო იმყოფებიან. გერმანელმა მხოლოდ 1 შეხვედრა გამოტოვა კოპა დელ რეიზე. მალეგელმა კი 1 ჩემპიონთა ლიგისა და 1 ესპანეთის სუპერ თასის მატჩი გამოტოვა, თუმცა უნდა აღინიშნოს, რომ ფრანცისკო მეტწილად სათადარიგოთა სკამიდან ერთვება მატჩებში. გამონაკლისი განვლილი პაექრობები გახლდათ, რომელშიც მან გარეთ ბეილი სრულფასოვნად ჩაანაცვლა და ყოველგვარ მოლოდინს გადააჭარბა.
- 10 ნოემბერი 2014
- 1702
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
