დღეს, "სანტიაგო ბერნაბეუს" საპრეზიდენტო დარბაზში, "რეალსა" და IPIC-ს (International Petroleum Investment Company) შორის სასპონსორო ხელშეკრულება გაფორმდა.

არაბული კომპანია 5 წლის (2+3) განმავლობაში ითანამშრომლებს ესპანურ გრანდთან და კლუბის საშინაო არენის რეაბილიტაციასაც დააფინანსებს.

ხელმოწერის ცერემონიას, "ბლანკოსის" პრეზიდენტისა და IPIC-ის აღმასრულებელი დირექტორის გარდა, ფეხბურთელები და მწვრთნელებიც დაესწრნენ.

""ლა დესიმას" მოგების შემდეგ, ჩვენი მთავარი საზრუნავია "უნდესიმაზე" ფიქრი.მეოცე საუკუნის მსგავსად, მადრიდის "რეალი" ოცდაემეერთე საუკუნის საუკეთესო კლუბი უნდა გახდეს.

ჩვენ სტრატეგიული თანამშრომლობის ხელშეკრულებას მოვაწერეთ ხელი.უახლოეს მომავალში "სანტიაგო ბერნაბეუ" მსოფლიოში საუკეთესო გახდება.ამასთანავე, კომპანია IPIC-ი ჩვენი საერთაშორისო სკოლების განვითარებაშიც მიიღებს მონაწილეობას" - დასძინა ფლორენტინო პერესმა სიტყვით გამოსვლისას.

AS������� dle 10.1������� ������� ������