კარლო : "დღესდღეობით ყველაზე მეტად იბრას და რონის ვაფასებ"
კარლო ანჩელოტიმ კრიშტიანო რონალდუსა და ზლატან იბრაჰიმოვიჩზე ისაუბრა...
"არ შეიძლება ვერ დაინახო ის შრომა, რომელსაც კრიშტიანო რონალდუ საკუთარ საქმეში დებს. ის დიდებული ფეხბურთელია, რომელიც საუკუნეში ერთხელ იქოქება. მადრიდის "რეალს" რონის სახით უდიდესი ფეხბურთელი ჰყავს, რომელსაც არასდროს აქვს დრო იმისთვის, რომ უქმად იჯდეს."
"მსურს ერთმანეთს ზლატან იბრაჰიმოვიჩი და პორტუგალიელი ოქროს ბურთის მფლობელი შევადარო. ისინი ტექნიკური მახასიათებლებით აბსოლუტურად სხვადასხვანი არიან, თუმცა ისევე როგორც პორტუგალიელს, ასევე შვედს უზღვავი ენერგია აქვს, რომელიც არასდროს ილევა, სწორედ ეს არის მათი წარმატების საიდუმლო."
"ზლატანი უკვე დიდი ხანია უმაღლეს დონეზე ასპარეზობს, ეს კი სწორედ იმ მონდომების შედეგია, რომელიც მას აქვს."
"რაც შეეხება კარიმ ბენზემას. ვთვლი, რომ ის "ბლანკოსისთვის" საუკეთესო ვარიანტია და მისი საქმის შესრულება ფრანგზე კარგად არავის შეუძლია. დიდი სიამოვნებით ვიმუშავებდი ზლატანთან ერთად, თუმცა გუნდური თვალსაზრისით კარიმი მოწოდების სიმაღლეზე დგას."
"სამეფო კლუბს წელიწადზე მეტია ვწვრთნი. ვერ ვიხსენებ დავალებას, რომლის შესრულებასაც ფრანგი წინახაზელი ვერ ახერხებდა. ის ძალიან კარგი და მოტივირებული ფეხბურთელია, რომელსაც უდიდეს პატივს ვცემ."
- 25 ოქტომბერი 2014
- 3074
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
