მადრიდის რეალმა დი მარიას გასხვისების შემდეგ მაინცდამაინც იდეალური შემცვლელი ვერ იპოვა, მიუხედავად ხამეს როდრიგესისა და ისკო ალარკონის უკან დაწევის მცდელობისა, კარლომ სასურველი შედეგი ვერ მიიღო, ილარამენდი სუსტ გუნდებთან კარგად გამოიყურება, მაგრამ უჭირს თამაში გრანდებთან. ხედირა კი სავარაუდოდ ზამთარშივე დატოვებს კლუბს. მხოლოდ კროოსისა და მოდრიჩის ხარჯზე კი დატვირთული სეზონის გაძლება რთულია.

აქედან გამომდინარე რეალმა დაიწყო ნახევარმცველების ძებნა. ერთ-ერთ საუკეთესო ვარიანტად კი გუნდის მენეჯმენტს არტურო ვიდალი მიაჩნია, რომლის შეძენაც მანჩესტერს სურს, თუმცა გარკვეული მიზეზების გამო ტრანსფერი ზაფხულში არ შედგა.

დღეს კი Corriere dello Sport ავრცელებს ინფორმაციას, რომ სამეფო კლუბი მზად არის ბებერ ქალბატონს ვიდალში სასურველი თანხა 50 მილიონი ევრო შესთავაზოს. აღნიშნულ საკითხზე მოლაპარაკება უკვე დაიწყეს ბლანკოსის წარმომადგენლებმა და ფეხბურთელის აგენტმა. გამომდინარე იქიდან, რომ იტალიის ჩემპიონებს ძალიან სურთ ხუან მატას დამატება, გამორიცხული არ არის ჩილელი ნახევარმცველი ზამთარშივე ვიხილოთ თეთრ მაისურში გამოწყობილი.������� dle 10.1������� ������� ������