გიგსი : "ბეილი ნაკრებში გაცილებით აქტიურია, ვიდრე კლუბში"
რაიან გიგსის განცხადებით, მისი თანამემამულე გარეთ ბეილი ბევრად უფრო აქტიურია უელსის ეროვნულ გუნდში, ვიდრე მადრიდის "რეალში", ამას კი მხოლოდ ერთი ახსნა აქვს - მას კოულმენი მეტ სივრცეს აძლევს...
"გარეთი ბრწყინვალე შემტევია და ეს მას არაერთხელ დაუმტკიცებია, თუმცა ამ სეზონში ის "ბლანკოსში" ნამდვილად ვერ დგას მოწოდების სიმაღლეზე, ეროვნულ ნაკრებში კი სიტუაცია რადიკალურად განსხვავებულია."
"კრის კოულმენი ბეილს გაცილებით მეტ სივრცეს აძლევს მოქმედებისთვის, რასაც ვერ ვიტყვით კარლო ანჩელოტისთვის. ბეილს მხოლოდ ერთ წერტილში თამაში არავითარ შემთხვევაში არ უნდა აიძულო, რადგან ის ვერ იქნება ისეთი პროდუქტიული, როგორიც თუნდაც "ტოტენჰემში" ასპარეზობის დროს იყო."
"ვგონებ, უელსელები ევროპის 2016 წლის ჩემპიონატზე ასპარეზობა მოახერხებენ და ამის მთავარი შემოქმედი სწორედ გარეთი იქნება."
- 13 ოქტომბერი 2014
- 2079
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
