მადრიდის "რეალმა" დაასრულა მზადება ჩემპიონთა ლიგის ჯგუფური ეტაპის პირველი მატჩის გასამართად.

სამეფო კლუბის პირველი მეტოქე "ბაზელი" იქნება. როგორც მოგეხსენებათ, ბლანკოსი ბოლო პერიოდში ძალიან ცუდად გამოიყურება და ამას გულშემატკივარიც ამჩნევს. მადრიდისტები გულნატკენები არიან ამდენი წარუმატებლობით.

ფანებმა დამნაშავის ძებნა დაიწყეს. ქომაგების ნაწილი ფიქრობს, რომ კასილასი ფორმაში არ არის და იგი არ იმსახურებს ძირითად შემადგენლობაში მოხვედრას მანამ, სანამ უწინდელ ფიზიკურ კონდიციებს არ დაუბრუნდება.

ამ მოსაზრებას არ ემხრობა მადრიდის "რეალის" მთავარი მწვრთნელი, კარლო ანჩელოტი. იტალიელმა სპეციალისტმა პრეს-კონფერენციაზე ჟურნალისტებთან საუბარში განაცხადა, რომ იკერი კარგ ფორმაშია და არცერთი გაშვებული გოლი მისი ბრალი არ არის.

საბოლოოდ კარლიტომ განაცხადა, რომ "ბაზელის" წინააღმდეგ სამეფო კლუბის კარს სწორედ კასილასი დაიცავს.

As.com������� dle 10.1������� ������� ������