კრესპო : "ანჩელოტი მშვიდი მხოლოდ გარედან სჩანს"
ერნან კრესპო, რომელიც წლების მანძილზე იცავდა სხვადასხვა უმაღლესი კლასის კლუბის ღირსებას კარლო ანჩელოტიზე საუბრობს...
"კარლიტო მსოფლიო კლასის მწვრთნელია, მის კლუბში ვერცერთი ფეხბურთელი ვერ გაბედავს საერთო სიტუაციის არევასა და დაძაბულობის წარმოქმნას. იტალიელი გარედან ყოველთვის მშვიდი სჩანს, ის პროვოკაციაზე არასდროს წამოგებულა, თუმცა საკმაოდ მკაცრია ფეხბურთელებთან მიმართებაში."
"ანჩელოტის გუნდში ყველამ საკუთარი ადგილი იცის, მას უყვარს წესრიგი და წარმატების საწინდარს სწორედ ამაში ხედავს."
"მე და კარლოს არაერთი ტიტული მოგვიგია, ის უმაღლესი დონის პროფესიონალი გახლავთ, რომელმაც მადრიდის "რეალში" უკვე მოიგო ჩემპიონთა ლიგა, ახლა კი პროგრესს განაგრძობს."
"ვფიქრობ, იტალიელ სპეციალისტს სხვებისგან ის განასხვავებს, რომ კლუბში აბსოლუტურად განსხვავებულ მეთოდოლოგიას ნერგავს, მას საკუთარი ხედვები აქვს, რომელიც ზოგადი სტანდარტებისგან მნიშვნელოვნად განსხვავებულია."
- 12 სექტემბერი 2014
- 2333
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
