მადრიდის "ატლეტიკოს" პრეზიდენტმა, ენრიკე სერეზომ მოახლოვებულ დერბისთან დაკავშირებით ისაუბრა...

"ყველამ ძალიან კარგად იცის, რომ მადრიდულ დერბის 100 წელიწადზე დიდ ხნიანი ისტორია აქვს, ამ მატჩს ყოველთვის უდიდესი მნიშვნელობა ენიჭება."

"როგორც "რეალი" ასევე "ატლეტიკო", უდიდეს ძალას წარმოადგენენ, დარწმუნებით ვერაფერს გეტყვით, ალბათ ის გუნდი გაიმარჯვეს, რომელიც უკეთ იქნება მზად და ცოტა იღბალიც შეუწყობს ხელს."

"ჩვენ გუნდში დიდი ცვლილებები განხორციელდა, რამდენიმე ლიდერი დავკარგეთ, თუმცა არ ვთვლი, რომ დავსუსტდით, რადგან უმაღლესი დონის მოთამაშეების დამატება შევძელით. კლუბის ხელმძღვანელობამ სატრანსფერო ფანჯრის დროს მაქსიმალურად ეფექტურად იმუშავა იმისათვის, რომ სეზონის სტარტზე სიმეონეს პრობლემები არ ჰქონოდა."

"იგივეს თქმა შეიძლება "ბლანკოსზეც". მათ ფეხბურთელები გაუშვეს, თუმცა ასევე დიდი ტრანსფერები გაჩარხეს და მოგებისთვის იბრძოლებენ. ვგონებ, ურთულესი მატჩი გველის წინ, სადაც 3 ქულის აღებას უდიდესი მნიშვნელობა ექნება."

"აღსანიშნავია, რომ ორივე კლუბს უდიდესი ფეხბურთელეიბ ჰყავს, რომლითაც მადრიდი ამაყობს, ჩვენ დიდი მიზნები გვაქვს დასახული."

"საბრძოლველად მზად ვარ, ჩემი გუნდის ფეხბურთელები ყველაფერს გააკეთებენ წარმატების მისაღწევად. მიზანი ლა ლიგის თასის დაცვაა, ამისთვის ბიჭებს მაქსიმუმის გაღება მოუწევთ მოედანზე, "რეალს" ტიტულს არ დავუთმობთ."������� dle 10.1������� ������� ������