პირველად, ბოლო 8 წლის განმავლობაში, სამეფო კლუბის რიგებში არგენტინელი ფეხბურთელი არ ითამაშებს.

არადა, სულ რაღაც 4 წლის უკან, „ბლანკოსის“ რიგებს, 4 მოთამაშე აძლიერებდა აღნიშნული ქვეყნიდან - ეზეკილ გარაი, ფერნანდო გაგო, გონსალო იგუაინი და ანხელ დი მარია.

სამეფო კლუბის ისტორიაში პირველი არგენტინული გვარი, 100 წლის უკან გამოჩნდა.მაშინ, ძმები არანგურენები იცავდნენ „ბლანკოსის“ ღირსებას და ამის შემდეგ დღემდე, კიდევ 27-მა მათმა თანამემამულემ გაიგო „რეალში“ ასპარეზობის გემო.

რა თქმა უნდა, სამხრეთ ამერიკის სიდიდით მეორე რესპუბლიკის ყველაზე წარმატებული წარმომადგენელი ესპანეთის დედაქალაქში, ალფრედო დი სტეფანო გახლდათ, რომელმაც ფაქტობრივად, დაწერა კლუბის ისტორია.

და ბოლოს საინტერესო დეტალი, მოგებული 10 ჩემპიონთა ლიგიდან 9 შემთხვევაში, ერთი არგენტინელი მაინც ირიცხებოდა პირველი შემადგენლობის რიგებში (გამონაკლისია მხოლოდ მეექვსე ტიტული).

MARCA������� dle 10.1������� ������� ������