ამჯერად, ე.წ. ფიფას ვირუსის მსხვერპლი მარსელო გახდა.

მართალია, განვლილ სანაკრებო ბატალიებზე განაპირა მცველს ტრავმა არ მიუღია, თუმცა მისმა გრაფიკმა ყოველგვარ ზღვარს გადააჭარბა.მადრიდული დერბის ჩატარებამდე რამდენიმე დღის ადრე, სამხრეთ ამერიკელს 24 საათიანი მგზავრობა (14.631 კილიომეტრი) მოუწია.თავდაპირველად, მადრიდიდან მაიამიში ჩაფრინდა, შემდეგ იქედან ნიუ ჯერსიში, ხოლო ბოლოს ისევ ესპანეთის დედაქალაქში დაბრუნდა.

ნიშანდობლივია, რომ ამდენხნიანი „მწვალების“ ფონზე, კარლოს დუნგამ სათადარიგო სკამიდან წამოდგომის საშუალებაც კი არ მისცა მოთამაშეს.ორივე ამხანაგურ შეხვედრამ, რომელიც ბრაზილიის ეროვნულმა გუნდმა გამართა (კოლუმბიასთან და ეკვადორთან), მარსელოს გარეშე ჩაიარა.

მსოფლიო ჩემპიონატის მასპინძელ ქვეყანაში მწვრთნელის შეცვლა, დიდად გულზე არ უნდა მოხვედროდა ღიმილიან ბიჭუნა, რამეთუ სწორედ დუნგა იყო ის დამრიგებელი, რომელმაც 2010 წლის აფრიკის მუნდიალზე, თამაშგარეში დატოვა მადრიდელი მცველი.

არ არის გამორიცხული, „ატლეტიკოს“ დაპირისპირებაში კოენტრაუ ვიხილოთ პირველი წუთიდან.გასაგები მიზეზების გამო, მარსელოს მხოლოდ 48 საათი აქვს თამაშისათვის მოსამზადებლად.

AS������� dle 10.1������� ������� ������