კიკო კასილია: "იკერმა დაამტკიცა, რომ საუკეთესოა"
"ესპანიოლის" მეკარემ კიკო კასილიამ კომენტარი გააკეთა.
"ესპანეთის ნაკრებში გამოძახებაზე ყველა ოცნებობს. სიმართლე რომ გითხრათ, როდესაც ეროვნულ ნაკრებში დამიძახეს ძალიან ავღელდი, თუმცა თანაგუნდელების თბილმა გარემომ ყველაფერი გაამარტივა."
"ვისენტე დელ ბოსკემ ნდობა გამომიცხადა და ვალდებული ვარ თავდაუზოგავად ვიშრომო, რათა ესპანეთის ეროვნულ ნაკრებში ადგილი დავიმკვიდრო და ჩემი შესაძლებლობები გამოვავლინო."
"იკერ კასილასი დამშვიდებული მეჩვენა. იგი ვარჯიშებზე წარმოუდგენლად დიდი დატვირთვით ირჯებოდა და გუშინ შესანიშნავი მატჩიც ჩაატარა. ამით იკერმა დაამტკიცა, რომ მსოფლიოში კვლავ ერთ-ერთი საუკეთესოა."
"ლა ლიგის ტურში "ვალენსიას" წინააღმდეგ ძალიან რთული და მნიშვნელოვანი მატჩი გველის. როდესაც ჩემს გუნდს შევუერთდები მოვისმენ მწვრთნელის დარიგებას და ვეცდები ყველა დავალება შევასრულო ისე, როგორც ამას გუნდის თავკაცი მოითხოვს."
As.com
- 9 სექტემბერი 2014
- 1839
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
